Esti sábadu, 28 de payares, Andecha Astur cellebrará’l so Conceyu Nacional coincidiendo col 25 aniversariu de la organización.

Talamente comu s’anunciare dempués de les postreres elleiciones nacionales y de conceyu, y comu concluxón al importante alderique internu empobináu a afayar la llinia política a la situación d’anguañu, Andecha Astur cellebrará’l so Conceyu Nacional el prósimu sábadu en Xixón (Cientru Municipal d’El Llanu).

Cuandu se fain 25 años dende l’aniciu d’Andecha Astur, la organización plantégase un puntu d’inflexón na so dinámica política, asumiendo la necesidá d’ un mayor esfuerciu comunicativu y d’interrellación cola sociedá asturiana.

Arriendes d’ello, Andecha Astur plantegaráse cómu llevar alantre la dinámica de procesos costituyentes esistentes nel Estáu, comu ye’l casu catalán, y verá cómu empobirnar los esfuercios pa dar puxu a la dinámica asturiana y poner los encontos pa qu’esi procesu seya vidable n’Asturies.