Una vegada más, los acuerdos ente IU y el PSOE "nun son más qu’un cuentu chinu". Primero anunciaren, dempués d’apoyar a Javier Fernández como presidente, que diben poner en marcha un plan estraordinariu d’apoyu al asturianu, "pues bien, tolos acuerdos qu’anunciaren nun yeren nada más qu’un resumen de la Llei d’Usu y Promoción del PAS, que lleva ensin cumplise dende que Vicente Alberto Álvarez ganó les elecciones en 1999".
Pues bien, agora, "dempués de proclamar que diba haber recursos dinerarios mayores pal asturianu, enterámonos de que tola suba son 20.000 euros, en concretu el presupuestu pasa de los 1.552.684 € en 2015 a 1.570.664 €, una caxigalina". Ocurriera ya satemente igual nel 2005, cuando IU gobernaba col PSOE: el primer presupuestu d’aquel gobiernu seguía siendo mui inferior a los de 1997 y 1998 pactaos ente’l PAS y el Gobiernu Marqués.
"Camelu tres camelu, nada de nada, esa ye la traducción del les proclames d’IU sobre l’asturianu (y la de la presencia d’un “asturianista”, Genero Alonso, al frente del departamento)".
