El ministru d'Industria, Enerxía y Turismu, José Manuel Soria, anunció que'l Gobiernu prepara una reducción de la parte que-y correspuende nel recibu de la lluz y que va ser efectiva mientres los 12 meses del añu qu'entra.
Asina lo manifestó en respuesta a la pregunta d'unu de los asistentes al actu d'inauguración del 'Foru Premium del Atlánticu. Propuestes Globales', que tuvo llugar ayer nel Iberostar Grand Hotel Mencey de Santa Cruz de Tenerife.
El ministru indicó qu'esti amenorgamientu va producise de resultes del sistema d'incentivos y ayudes a les enerxíes renovables que llevó a cabu'l Gobiernu d'España, y que dexó que nestos dos últimos años xenerárase un superávit de tarifa.
Esti sistema d'incentivos, indicó Soria, tuvo que modificase porque resultaba "invidable" y podía conducir "a la quiebra" del sistema enerxéticu n'España, dando como resultáu que se pasara d'unos 400 millones añales de déficit a tener superávit nel 2014 y nel 2015.
