"Sabéi que tenemos munchos candidatos a operaciones mártires, sabéi que nun ye la última operación, nun ye la nuesa última cita, sacantes faigáis presión sobre'l vuesu Gobiernu como lo fizo'l pueblu español va dellos años contra la guerra n'Iraq", diz esti terrorista nun videu al que tuvo accesu la empresa de seguridá AICS y recoyó Europa Press.

   El que realiza estes amenaces ye un terrorista llamáu Abou Tayssir El Faransi, polo qu'a xulgar pol so nome de guerra ye d'orixe francés. Les fontes consultaes indiquen que'l video (de 4 minutos de duración) publicólu'l grupu terrorista va dellos díes. Amás del discursu principal apréciense imaxes de los atentaos de París, de l'aviación gala o'l presidente Hollande.

   Esti voceru del Estáu Islámicu alvierte a Francia que "namás se salvará si se retira d'esta guerra". "Si non, vais tener otros sábados negros, si non, vais ser la proa de los nuesos llobos solitarios (...) llibráis una guerra de cobardes, sois incapaces de venir al terrenu, llibráis una guerra por encargu y una guerra por encargu nun funciona nunca", añade.

   Ellaborólu una de les productores llocales cola que cuenta Estáu Islámicu pa publicar el so mensaxe en tol territoriu del califatu. En concreto, esti videu lleva'l sellu de Diyala, una rexón al este d'Iraq fronteriza con Irán y de mayoría sunina (la corriente del Islam que profesa l'Estáu Islámicu) y curda.

Foto: AICS.