L'hotel Radisson Blu ta asitiáu nel oeste de Bamaku, cerca de delles sedes diplomátiques y gubernamental. Desconozse la identidá de los homes armaos y el grupu al que pertenecen. El norte de Malí tuvo ocupáu por milicianos islamistes, munchos d'ellos con vínculos con Al Qaeda, mientres la mayor parte del 2012.

   La fonte de los servicios de seguridá consultada por Reuters dixo que los asaltantes son diez homes armaos qu'entraron nel hotel dispararon al berru de "Allahu Akbar" (Alá ye grande, n'árabe).

   El propietariu del hotel esplicó al selmanariu 'Jeune Afrique', que polo menos trés individuos llograron entrar nel establecimientu a les 7.00 hores. Los homes, según el so testimoniu, entraron nel recintu con un vehículu con matrícula diplomática, lo que-yos facilitaría superar los controles de seguridá. Namás llegar al hotel, abrieron fueu.

   El grupu hoteleru Rezidor eslicó qu'hai polo menos dos secuestradores y que los secuestraos son 140 veceros y 30 emplegaos. "Los nuesos equipos de seguridá y el nuesu personal tán en constante contactu coles autoridaes llocales p'ayudar no posible pa reinstaurar la seguridá nel hotel", dixo Rezidor, nun comunicáu.

LLIBERAOS DELLOS REHENES

   Los homes armaos qu'asaltaron esti vienres l'hotel Radisson de Bamako, la capital de Malí, lliberaron a dalgunos de los 170 rehenes que teníen nel so poder, según informaron fontes de de los servicios de seguridá.

   Según estes fontes, ente los lliberaos taríen aquéllos que yeren capaces de recitar versos del Corán. Los asaltantes entraron nel hotel disparando y glayando "Alá ye grande".

   El grupu hoteleru Rezidor, que xestiona l'hotel, informó de que los asaltantes seríen dos y que nel interior del establecimientu había 140 güéspedes y 30 trabayadores.