La Fiscalía confirmó esti xueves la muerte d'Abdelhamid Abaaoud, l'islamista belga al que se considera'l cerebru de los atentaos de París del vienres nos que morrieron 129 persones, según informa 'Le Monde'.
El milicianu d'Estáu Islámicu foi "formalmente identificáu", señaló la Fiscalía. Abaaoud morrió nel asaltu d'esti miércoles del apartamentu nel que se sospecha que taba escondíu na población de Saint Denis, pela entornu de París.
El diariu estaounidense 'Washington Post' yá anunciara ayeri la muerte d'Abaaud, pero les autoridaes francés nun la confirmaren hasta agora.
