El videu forma parte d'una nueva campaña, titulada "30 díes, 30 respuestes", na que'l PP va publicar un videu diariu, dende güei hasta'l final de la campaña, pa tratar temes como la unidá nacional, la creación d'empléu, la reforma sanitaria, les pensiones, los mozos o la violencia de xéneru.

   El videu d'esti xueves ye una infografía animada que recuerda que cuando'l PP llegó al Gobiernu nel 2011 el paru llevaba años creciendo y destruyérense 3,5 millones de puestos de trabayu, que la recaudación cayera en 70.000 millones, que'l sector financieru taba "en cantu de la quiebra" y que conceyos y comunidaes autónomes teníen "cientos de miles de factures" sin pagar.

   Por eso, prosigue, el Gobiernu tuvo que tomar "midíes dures ya impopulares" pa "garantizar un futuru pa los españoles" y caltener l'Estáu del bienestar. El videu menta namás cinco d'eses midíes: "la reforma llaboral, la reestructuración del sector financieru", la puesta en marcha de "dos rebaxes d'impuestos", la reforma de les Alministraciones Públiques y el plan de pagu a proveedores.

   Na mesma llinia, sorraya que col PSOE destruyéronse 3,5 millones d'empleos, mientres que "con Mariano Rajoy" creóse un millón, y que los socialistes conxelaron les pensiones nel 2010, mientres que col PP el so "poder alquisitivu creció cada añu".

   Tamién recuerda que Rajoy, "en contra de les presiones de muncha xente", evitó la quiebra y el rescate d'España. El videu acaba diciendo que toles reformes, "apoyaes nel grandísimu esfuerzu que fizo la sociedá española", ficieron qu'España seya'l país "que más crez d'Europa", que creara 1 millón d'empleos y que seya "un exemplu a siguir".