El dibuxu, firmáu por Coco, muestra a un home con seis firíes de bala nuna aparente celebración, con una botella y una copa de xampán. La portada antemana la inminente publicación d'un nuevu númberu de la revista que va tar a la venta de magar esti miércoles.

   'Charlie Hebdo', oxetu d'un ataque terrorista'l 7 de xineru, solidarizóse'l pasáu sábadu coles víctimes de los atentaos de París y condenó "la violencia terrorista al serviciu de la ideoloxía totalitaria islamista". "Nun tien otru oxetivu que destruyir los valores de la democracia y de la República", afirmó la publicación nun comunicáu.