Al trabayar nel turnu de nueche nunca coincide colos sos colegues de trabayu, pero irónicamente pasa les sos nueches arrodiáu de figures humanes. La so soledá y les sos ganes de compartir llévenlu primero a interactuar colos mesmos maniquinos, y más tarde a comunicase al traviés d'ellos colos sos compañeros del turnu de mañana. Nel so interés por facer coses polos demás, Justino va llegar a escaecese de sí mesmu pero'l destín va querer que los sos compañeros nun s'escaezan d'él.

   L'anunciu cuenta col tema musical 'Nuvole Bianche' compuesta por Ludvico Einaudi ya iguada por Joan Martorell.

     Amás del anunciu, na presentación de la campaña que tuvo llugar nel Círculu de Belles Artes de Madrid, nun actu nel que participó la presidenta de la Sociedá Estatal de Lloteríes y Apuestes del Estáu (SELAE), Inmaculada García Martínez, tamién se punxeron de llargu les cuñes que s'ellaboraron pa emitir nes emisores de radiu, que recuperen como protagonistes a los responsables de les alministraciones de llotería que repartieron premios nesti Sortéu y que se refieren a esi momentu como unu de los más felices de les sos vides.

   La campaña d'esti añu caltién el lema del 2014, 'El mayor premiu ye compartilu', y creóla Leo Burnett, l'axencia encargada d'ellaborar la campaña del pasáu añu. "'El mayor premiu ye compartilu' sigui siendo'l mensaxe principal de la nuesa campaña y, dende esta afirmación tan potente y tan de verdá, vamos contar una preciosa historia que reflexa'l rixu humanu de compartir", declaró, García Martínez.

   Nesti sen, la presidenta de Lloteríes y Apuestes del Estáu detalló qu'esti añu vuelve ofrecese una campaña de persones "que conviven y suañen colos sos compañeros, amigos y seres queríos, basada na bondá, na xenerosidá, nel grandor de los pequeños detalles, que muestren lo meyor de les persones".

   Nesti Sortéu Estraordinariu de Navidá van repartise'l próximu 22 d'avientu un total de 2.240 millones d'euros en premios, la mesma cifra que l'añu anterior, y los beneficiaos col 'Gordu' van recibir 400.000 euros al décimu, con 640 millones d'euros a repartir con esti premiu principal.