"Dicímos-yos a los países que participen na actual campaña cruzada que, por Alá, vais tener un día, si Dios quier, como'l de Francia y por Alá, igual que golpiamos Francia nel centru de la so morada en París, entós xuramos que vamos golpiar América nel so centru en Washington", afirma un home nel videu, al que nun foi posible identificar.

   El videu, publicáu nuna web usada por Estáu Islámicu pa espublizar los sos mensaxes, empieza con imaxes noticioses de los momentos posteriores a los ataques del vienres en París, que causaron la muerte de 129 persones.

   El mensaxe a los países implicaos na ofensiva contra Estáu Islámicu pronúnicalu un home vistíu con ropa militar y un turbante, identificáu en subtítulos como Al Ghareeb 'l'Arxelín'. El videu realizaríenlu combatientes d'Estáu Islámicu na provincia iraquina de Salahudín, al norte de Bagdad.

   "Dígo-y a los países europeos que tamos llegando, llegando con trampes y esplosivos, llegando con chalecos esplosivos y (armes con) silenciadores, y ustedes van ser incapaces de detenenos porque güei somos muncho más fuertes qu'antes", alvirtió'l milicianu na grabación.

   N'aparente referencia a les negociaciones internacionales pa poner fin a la guerra en Siria, otru home identificáu nel videu como Al Karrar 'l'Iraquín', indicó al presidente francés, Francois Hollande: "decidimos negociar con usté nes trincheres y non nos hoteles".