El Parlament refugó esti xueves la segunda vez investir otra vuelta nel cargu al presidente de la Generalitat, Artur Mas, dao que la CUP caltuvo la so negativa a dar los sos votos porque s'opón a que Mas salga reelexíu.
El cómputu de los votos foi'l mesmu que'l martes na primer votación: la candidatura de Mas recibió l'apoyu de los 62 diputaos de JxSí y el refugu de los 73 parlamentarios de la oposición: C's, PSC, PP, SíQueEsPot y la CUP.
Mas intentó una aproximación a la CUP ofreciendo ceder poder en trés vicepresidentes y sometese a una cuestión de confianza en 10 meses, pero'l líder parlamentariu de la CUP, Antonio Baños, refugólo, anque precisando que ye un "non tranquilu" y ábrense a siguir negociando.
