Lisboa (E.P.).-Una mayoría de diputaos apoyó esti martes la moción de censura presentada pola oposición portuguesa contra'l programa de gobiernu de Pedro Passos Coelho, lo que supón la cayida inmediata del Executivu.

   La moción recibió 123 votos a favor y 107 en contra. La oposición, liderada polo socialistes, votó en bloque contra l'Executivu conservador que comparten el Partíu Social Demócrata (PSD) y Centru Democráticu Social (CDS), según medios lusos.

   El presidente del Parlamentu, Ferro Rodrigues, debe agora informar del resultáu de la votación al xefe d'Estáu, Anibal Cavaco Silva, que va poder designar como nuevu primer ministru al líder del Partíu Socialista, Antonio Costa.

   A la so salida del hemiciclu, Costa evitó falar de plazos --va aguardar "serenamente"--, magar recordó que llegó a un acuerdu seriu" y públicu con formaciones d'izquierda pa gobernar. Esti pactu compromete a les formaciones minoritaries a nun apoyar nenguna moción de censura presentada pola derecha.

   "Tamos en condiciones de garantizar el cumplimientu de les obligaciones internacionales, pero dexando la recuperación de les rentes de les families, el crecimientu d'empléu y de la economía", afirmó Costa.

UNA CAYIDA ANUNCIADA

   La coalición Portugal al frente qu'encabezaba Passos Coelho llogró la victoria nes elecciones llexislatives del 4 d'ochobre, pero nun llogró la mayoría absoluta. En diputaos, el bloque conservador viose superáu por socialistes, comunistes y Bloque d'Izquierda.

   La de Passos Coelho yera una cayida anunciada antes siquier de que Cavaco Silva lu escoyera otra vuelta xefe de Gobiernu. El presidente, al qu'abondes voces pidíen-y qu'optara directamente por Costa, alegó que sentaría un peligrosu precedente nun optar pola fuerza más votada.