Nuna entrevista na Cadena Cape recoyida por Europa Press, el padre del sarxentu dixo que tán "a la espera" de los acontecimientos. "L'helicópteru fizo un amerizaxe normal, les pales nun entraron en contactu col agua y tenía los flotadores abiertos", esplicó y añedió que "too fai pensar que los rescataron".

   El padre esplicó qu'existe la posibilidá de que l'amerizaxe produxérase cerca d'un barcu que taba faenando. "Entós averáronse a esi barcu y lo más posible ye que dixeren qu'es mesmu que que los recoyera. Pue ser que seya esi barcu'l que los recoyó", dixo.

   "Pue ser que sientan comentarios de que yeren unos pirates o de que-yos quitaren la mercancía que son ellos, pero "hai qu'esperar", afirmó.

   Tamién recordó que'l so fíu yá vivió un accidente va 19 meses --nel que morrieron cuatro militares al estrellase l'helicópteru nel mar-- pero dixo que foi "bien distintu". "Aquel accidente foi distintu, foi de nueche, l'helicópteru impactó dafechu, esto foi una cosa más nidia", relató.

   Francisco Ojeda dixo qu'agora ta na base de Canaries y que lu avisaron de que'l barcu llegaría al puertu, pero "esi barcu nunca foi a puertu".

   Tamién apuntó la posibilidá de que nun volviera por tar faenando tovía. "Suponemos que s'esvió hacia otru puertu, ye un barcu de faena, d'arrastre, que lleva una rede inmensa y hasta que nun s'enllene'l barcu nun sal", esplicó.

   "Hai que ser prudentes", dixo'l padre del sarxentu y añadió qu'hai qu'esperar "a que se saque la cabina y el fusilaxe" del helicópteru. "Una vez se saquen van dicir si ta o nun ta, si ta pues mala suerte, pero casi 99'9% de que nun tean ehí".