"La mochila que lleva CDC de corrupción y de casos de financiación illegal nun tien d'afectar al conxuntu del independentismu. Fuimos bien críticos y añadimos el fechu de que la Presidencia nun recaya en Mas pol so pasáu", declaró, tres una reunión del so grupu parlamentariu.

   Botran considera que casos de presunta corrupción como ésti puen ser una torga pal procesu, pero encamentó a les fuerces independentistes "da-y la vuelta al calcetu".

   "Impulsamos tamién un procesu independentista y de rotura pa poder faer llimpieza, pa poder dexar atrás toles males práctiques y la corrupción enquistada nel sistema políticu", recordó.

   Nun quiso pronunciase sobre qué candidatu tendría que liderar el procesu soberanista y recordó qu'agora esi asuntu "ta sobre la mesa de JxSí", y que la CUP yá esplicitó que la Presidencia tendría que recayer sobre otra persona, y alvirtió de qu'a JxSí convién-y valorar quién podría ser.

   Sobre que Mas atribuya la operación xudicial d'esti miércoles a una operación de caza mayor contra él y CDC, alvirtió de que "la guerra puerca nun pue tapecer la corrupción nin la corrupción la guerra puerca".

   "Rescampla qu'hai intencionalidá política tocantes a los tiempos de los rexistros y detenciones. Rescampla que la hai nel momentu que se filtra antes del rexistru a determinaos medios po qu'haya imaxes. Pero esto nun quita que detrás haya una denuncia con fundamentos bastantes creíbles", dixo.

   Amás, recordó que la operación nun parte de la Udef nin d'una fiscalía, sinón de la denuncia d'una conceyala en Torredembarra (Tarragona).