Madrid (EUROPA PRESS).-Miembros del Grupu Popular nel Congresu de los Diputaos arreprendieron esti miércoles a Cayetana Álvarez de Toledo, parlamanteria del PP por Madrid y vocera de la plataforma Libres e Iguales contra el Independentismo catalán, por asegurar que nun piensa volver presentase a les elecciones con Mariano Rajoy como candidatu a presidente del Gobiernu.
El socesu tuvo llugar nel hemicilu al cabu de la sesión plenaria. Cuando los diputaos abandonaben el Salón de Plenos, la diputada del PP viose arrodiada por otros compañeros del Grupo Popular, y dalgunos d'ellos reprocháben-y les sos declaraciones publicaes nel diariu El Mundo, anunciando que nun volverá a ser candidata al Congresu con Rajoy al frente del PP.
En declaraciones a Europa Press, Álvarez de Toledo aseguró qu'en realidá los ataques namás procedíen d'una diputada, con "esparabanes", anque otros testigos señalen a otros dos parlamentarios del PP criticándo-y les sos declaraciones contra Rajoy a dos meses de les elecciones xenerales.
Nel momentu del xaréu, diputados del PSOE intentaron sacar una fotografía del incidente pa espardila nes redes sociales, lo que provocó encrespaos berros nes bancaes del Grupu Popular. Nun momentu dau, elvoceru de Fomentu del PP, Andrés Ayala, llamó-yos l'atención tachándolos de "carroñeros".
PLASMU NES FILES DEL PP
Nos pasiellos, algún miembru del PP con puestu na Mesa del Congresu mostró'l so plasmu polo asocedío, mientres que la urriada diputada abandonó l'hemiciclu xunto cola diputada gallega Ana Belén Vázquez.
Y pa dexar claro que la diputada gallega nun tuviera que ver col incidente, Álvarez de Toledo publicó una foto con ella na rede social Twitter, dexando claro que "ye falso dafechu" qu'Ana Belén Vázquez fuera la que la arreprendiera.
Álvarez de Toledo, miembru de la FAES que preside José María Aznar, vino criticando públicamente dende l'asociación Libres e Iguales l'actuación del PP y del Gobiernu frente al independentismu catalán.
Y precisamente esti miércoles, cuando'l ministru de Facienda, Cristóbal Montoro, quéxase de qu'hai miembros del PP que s'avergoñen del partíu y cuando la presidenta del PP vascu, Arantza Quiroga, formaliza la so dimisión, publícase un artículu suyu renegando del presidente Rajoy.
