Madrid (E.P.).-Julian Assange l'irreductible fundador de Wikileaks, compartirá aventures con Astérix, Obélix y el restu d'irreductibles galos. Y ye qu'unu de los personaxes qu'apaecerán nel nuevu númberu de la saga creada orixinalmente por Goscinny y Uderzo ta inspiráu na polémica y mediática figura de Julian Assange.

   Astérix y el Papiru del César, ye'l títulu del nuevu álbum de la serie que llegará a les llibreríes el 22 d'ochobre y que vuelven  firmar el guinista Jean-Yves Ferri y el dibuxante Didier Conrad. La pareya tomó testigu de los míticos Goscinny y Uderzo nel 2013 cola publicación de 'Astérix y los Pictos', que vendió casi cinco millones y mediu d'exemplares en tol mundu.

   Nesta nueva aventura, César utilizará la comunicación pa intentar vencer a los galos que tantos dolores de cabeza diéron-y. Un contestu nel que la idea de Wikileaks y la figura d'Assange fueron referencia pal so guionista que garró y llamó a ún de los sos nuevos personaxes Wikilix, nun claru chisgu a la yá célebre web.

   Pero Asssange nun ye la única inspiración d'actualidá qu'alcontramos nel nuevu llibru d'Astérix. El personaxe de Libellus Blockbustus, l'asesor que contrata César pa tentar de vencer a los galos al traviés de la propaganda, ta a la so vez basáu nos sos asesores que trabayen pal exmanddatariu francés Nicolas Sarkozy.

Foto: LES ÉDITIONS ALBERT RENÉ