L'ADN del presuntu asesín d'Eva Blanco coincide colos restos biolóxicos topaos va 18 años na ropa interior de la moza na población madrilana d'Algete, según informaron a Europa Press fontes de la investigación.
Ahmed Chelh, el deteníu y únicu acusáu de la violación y muerte a puñalaes de la moza Eva Blanco sometióse a esti analís d'ADN tres el so treslláu a España la selmana pasada dende Francia, onde lu detuvieron.
Los resultaos fueron coincidentes colos restos de semen que se toparon na ropa interior de la moza polo que l'ADN sigue siendo clave nesti casu. Un nuevu analís d'aquellos restos alcontraos va casi dos décades permitieron l'añu pasáu determinar que pertenecíen a un home procedente del norte d'África.
Ahmed Chelh, anque tenía nacionalidá española, yera procedente de Marruecos. La Guardia Civil llegó hasta él dempués d'acudir al censu de les persones del norte d'África que vivíen n'Algete naquellos años. Tres llendase la so busca a unes 200 persones, alcontraron un home con un tipu d'ADN que coincidía nun altu porcentaxe, anque non dafechu. Tratóse del hermanu d'Ahmed Chehl.
