Y ye que, tal como muestra, una caña de 200 milillitros namás aporta 84 kilocaloríes, polo que'l consumu d'una cerveza diario supón un porcentaxe "bien pequenu" del consumu calórico diario encamentao, unes 2.000 caloríes pa les muyeres y 2.500 pa los homes.

BARRIGA CERVECERA

   Al respective de la masa corporal, el trabayu, lideráu pola catedrática Rosa M. Ortega y el presidente de l'AEN, Lluís Serra Majem, desvela que les persones que tienen un consumu moderao y avezao de cerveza tienen una composición corporal más afayadiza que los que nun la tomen, especialmente nel casu de los homes.

   Ello ye que dellos estudios europeos señalaron que bebíes de baxa graduación alcohólica, como la cerveza o otres bebíes formentaes, puen tar incluyíes dientro d'una dieta como la Mediterránea, siempre y cuando nun sobrepase los 20 o 30 gramos d'alcohol al día.

LOS CAUSANTES PODRÍEN SER OTROS FACTORES

   "Los causantes de la barriga cervecera podríen ser otros factores como los vezos alimentarios incorrectos, un estilu de vida sedentariu, el tabaquismu y dellos componentes xenéticos, lo que favorecen esti tipu d'obesidá ya inflúin na composición corporal más que la cantidá de cerveza consumío", esplicó Ortega.

   Per otru llau, la investigación indica que la presión arterial tampoco se ve influyida pol consumu de cerveza. Esta afirmación coincide colos resultaos llograos n'otros estudios que muestren una correlación inversa ente consumu moderao d'alcohol y riesgu de desarrollar enfermedaes cardiovasculares.

   "Los consumidores de cerveza tienen una mayor protección antioxidante procedente del lúpulu y de la malta cola que s'ellabora la cerveza. El so conteníu n'isohumulones podría tener un efectu antioxidante y protector frente a delles enfermedaes. Amás, actúa como regulador sobre la concentración sérica del colesterol nos individuos que la consumen de manera moderada, dao que se relaciona con un aumentu de la concentración de HDL o colesterol bono, y un amenorgamientu del LDL o colesterol malo", atayó la catedrática del departamentu de Nutrición de la Facultá de Farmacia de la Universidá Complutense de Madrid.