Pela so parte, la científica china Youyou Tu, un referente na medicina tradicional, resultó galardonada cola otra metá del premiu pol descubrimientu de l'artemisinina, una melecina qu'amenorgó significativamente les tases de mortalidá pa los pacientes que sufren de malaria.

   "Estos dos descubrimientos proporcionaron a la humanidá nuevos y potentes medios pa combatir estes enfermedaes debilitantes qu'afecten a cientos de millones de persones al añu", señalaron los miembros de l'Asamblea Nobel del Institutu Karolinska de Suecia.

   El premiu, d'ocho millones de corones sueques (960.000 dólares), valoró especialmente les consecuencies de los sos descubrimientos que, aseguran, "en términos de meyora de la salú humana y d'amenorgar el sufrimientu son inconmensurables".

   Magar un rápidu progresu nel control de la malaria na última década, la enfermedá tresmitida por mosquitos tovía mata a más de mediu millón de persones al añu, la gran mayoría d'ellos bebés y neños pequeños nes partes más probes d'África. Mientres, les emfermedades causaes por parásitos plagaron a la humanidá mientres miles d'años y constitúin ún de los principales problemes de la salú mundial.

   En particular, les enfermedaes parasitaries afecten a les poblaciones más probes del mundu y representen un enorme barrera p'ameyorar la salú y el bienestar humanu. Por esti motivu, destaca que nesti momentu'l Premiu Nobel de Medicina otorgárase a desarrollar terapies que revolucionaron el tratamientu de delles de les enfermedaes parasitaries más devastadores.

Foto: NOBEL.