Dellos directivos de l'aerollinia Air France tuvieron que fuxir escamisados saltando valles tres l'asaltu de trabayadores de la compañía a una xunta colos sindicatos na que taben tratando'l plan de la empresa de suprimir 2.900 puestos de trabayu.
Dellos centenares de trabayadores entraron na xunta ente executivos y representantes sindicales que taben celebrando na sede de la empresa nel Aeropuertu Internacional Chales De Gaulle al berru de "Jouniac dimisión", en referencia al presidente de la compañía, Alexandre de Juniac.
Les imaxes muestren a dellos individuos cola vistimienta de traxe descompuesta y a unu d'ellos, el responsable de Recursos Humanos de la compañía, Xavier Brosseta, escalando una valla yá sin camisa.
Según fontes sindicales citaes pol diariu 'Le Figaro', la empresa pretende suprimir 300 puestos de trabayu de pilotos, 900 de tripulantes de cabina y 1.700 de personal de tierra nel marcu del plan denomináu Perform 2020.
La dirección d'Air France condenó "enérxicamente la violencia psicolóxica" y anunció una denuncia por "violencia agravada" polo asocedío.
Foto: JACKY NAEGELEN / REUTERS
