Según Moscú, los aviones destruyeron un puestu de mandu y dellos centros d'operaciones nuna zona montañosa, informaron les axencies de noticies ruses. La versión oficial tamién niega cualquier ataque sobre infraestructures civiles o zones cercanes a elles.

   Por pidimientu del Gobiernu de Bashar al Assad, Rusia empezó esti miércoles a llanzar ataques aéreos en Siria, al marxe de la coalición internacional que lidera Estaos Uníos. L'Executivu rusu sorrayó que los sos oxetivos son equipos militares, centros de comunicación, vehículos, munición y depósitos de combustible d'Estáu Islámicu.

   Fontes estaounidenses y activistes llocales dudaron de que Rusia tea llendando los sos bombardeos a los yihadistes y planteguen posibles acciones contra otros grupos rebeldes. Una vocera del Ministeriu d'Esteriores rusu, Maria Zajarova, negó esta posibilidá y pidió que nun tracamundie la realidá.

Foto: EDUARD KORNIYENKO / REUTERS