Asina lo señaló nun alcuentru colos medios na Fundación BBVA, onde participa nel ciclu de conferencies sobre física de partícules. Gianotti indicó que'l fechu de qu'apaecieren estos oxetos diba ser bien "importante" pa la física porque indicaría, por exemplu, qu'existen más dimensiones que les que conocemos, como la microscópica. Tamién podría suponer meyores na teoría de cadenes.

   Amás, tranquilizó asegurando que cualquier furacu negru creáu nel LHC nun sería como unu real, dao qu'esti colisionador "nin nengún otru", va tener "nunca la mesma potencia" que les fuerces que se producen nel Universu real.

   L'estudiu d'estos cuerpos nun taría nos planes de primeres del CERN, anque la futura directora asegura que "cómo científica" nun hai nada que-y paeza "más emocionante" que descubrir "daqué inesperao". Sicasí, tamién considera "ablucante" descubrir una materia que constitúi'l 25 por cientu del Universu, en referencia a la materia escuro.

   Al respective, indicó que nun se sabe de qué ta compuesta, "si de partícules que puen producise nel LHC" o d'otru tipu. "Ye difícil predicir cuándo van llograse resultaos sobre esta investigación sin saber si les partícules que la formen son accesibles, sin conocer la so naturaleza. Pero vamos faer tolo posible", declaró.

   Ésti ye unu de los oxetivos del futuru centru, según la supersimetría. Pero la física italiana quiso apuntar qu'ente los sos oxetivos tamién van tar les meyores tecnolóxiques y educatives, pa preparar meyor a los futuros físicos que trabayen nun futuru nes sos instalaciones.

Foto: CLAUDIA MARCELLONI DE OLIVEIRA/WIKIMEDIA