D'esta manera, esta ubicación ta "considerando" una evaluación ambiental sobre la cobertoria pal so almacenaxe y posterior tresporte de los residuios de baxa intensidá de Palomares, hasta l'almacén de residuos de Nevada, según señala'l documentu avanzáu por El Confidencial y al que tuvo accesu Europa Press.

   Sicasí, el departamentu estaounidense señala qu'esta propuesta ta tovía nuna etapa "temprana de considerancia" y que nun se tomó tovía una determinación formal.

   El 17 de xineru de 1966 un choque accidental de dos aeronaves estaounidenses nuna operación de repostaxe en vuelu. Los dos aviones quedaron dafechu destruyíes y los sos restos estendiéronse sobre cientos d'hectárees na mariña y na mar en Palomares, una pedanía de Cuevas de Almanzora (Almería).

   Ente estos restos había cuatro bombes termonucleares. Al impactar col suelu, dos de les bombes deflagraron y parte del so esplosivu químico diseminóse. En concreto, quedaron espardíos bona parte de los 9 kilogramos de combustible nuclear fisionable, en forma d'óxidos de plutoniu, uraniu y americiu, fundamentalmente.

   Nel informe del CSN 'Palomares, nel camín de la normalización radiolóxica', asegúrase que dende 1966 los programes de vixilancia "nun mostraron nengún resultáu que faiga barruntar la existencia de morbilidá inducida poles radiaciones ionizantes y que nun hai nenguna patoloxía directamente rellacionada cola dispersión de material radiactivo nel mediu ambiente por mor del accidente".

   Sicasí, el riesgu radiolóxico pa la población sigue vixente, al traviés de les partícules contaminantes si se tresmiten pel aire o pelos alimentos. "La restricción d'usu de los terrenos aseguró que la esposición de la población fuera bien baxa", valora'l documentu.

   El 7 de xunetu del 2010 celebróse en Washington (Estaos Uníos) una xunta ente'l departamentu de Defensa y el Ministeriu d'Asuntos Esteriores y de Cooperación d'España, na que s'informó al Gobiernu norteamericanu de la situación de Palomares y insistióse en que "la única solución definitiva ye la retirada del suelu contamináu".

   Pocu más de mediu añu más tarde, ente'l 22 y el 25 de febreru del 2011, técnicos estaounidenses y españoles reuniéronse en Madrid y tamién se treslladaron a Palomares. La delegación taba formada por espertos en rehabilitación y xestión de residuos, calteniéndose los discutinios técnicos sobre les opciones d'actuación y propuestes de reitrada, llimpieza radiolóxico o rehabilitación de los terrenes que siguíen daquella con restricciones. Según añade l'informe del CSN, "la visita foi bien fructífrera y supunxo una meyora notable n'aspectos técnicos".

Foto: Wikimedia.