Asina lo apuntó esti xueves en respuesta a los medios de comunicación, no que cinca a la concentración de l'Asociación de Familiares y Amigos de la UTE de Villabona contra l'esmantelamientu de la unidá celebrada esta mañana n'Uviéu.

   Pal ministru ta xestionándose la unidá "cumpliendo colo que la llei determina y faciendo un llabor magníficu". "La UTE de Villabona cumple la so misión mui bien", dixo.

   Asina, llamenta qu'haya xente que personaliza alderiques "con poca conocencia de causa". "Hai 56.000 persones cumpliendo condena o preventivos nos centros penitenciarios españoles y nun podemos tar centraos específicamente na UTE de Villabona", añadió.

   Pela so parte, el director xeneral d'Instituciones Penitenciaries, Ángel Yuste, secundó les palabres del ministru añediendo que la UTE de Villabona cuenta con "tol apoyu institucional". "Visitar agora poco y confirmo lo que diz el ministru", comentó, asegurando que'l discutiniu básase "na obsesión de delles persones, non de los afectaos, pa buscar protagonismos".