El fraude, col que la compañía frayó la llexislación medioambiental estaounidense, consistía n'integrar un 'software' nos modelos diesel pa confundir a los reguladores que miden les emisiones, reflexando una cantidá sensiblemente inferior.

   L'axencia estaounidense de protección ambiental, la Environmental Protection Agency (EPA) topó alteraciones nos vehículos diesel de la empresa fabricaos ente'l 2009 y el 2015, anque alvirtió que va ampliar la so investigación a otros fabricantes.

   La cuestión treslládase agora a los vehículos fabricaos na Unión Europea. Volkswagen aseguró que los sos nuevos motores EU 6 n'Europa cumplen los requisitos llegales y medioambientales establecíos, anque Bruxeles encamentó a la compañía a "esclarar los fechos".

"FONDA TRISTURA"

   Ante l'ábanu de crítiques, el so presidente, Martin Winterkorn, compareció pa pidir disculpes de forma oficial a los sos clientes, a les autoridaes y a la sociedá polo xeneral. Nel so discursu afirmó "sentir fondamente" frayar laconfianza de millones de persones.

Winterkorn comprometióse a esclarar lo asocedío, asegurando que sería la so "máxima prioridá", dao que les irregularidaes "van en contra" de la filosofía de la empresa alemana. "Pa llogralo, vamos poner too sobre la mesa de la manera más rápida, tresparente y rigorosa posible", sorrayó.

MULTES MILLONARIES

   Magar les escuses y el so compromisu de realizar una investigación esterna, la compañía enfréntase n'Estaos Uníos a multes que podríen xubir a los 18.000 millones de dólares (más de 16.000 millones d'euros), casi tres veces los sos beneficios añales.

   Na Unión Europea, son los Estaos miembros los responsables últimos de vixilar el cumplimientu de les llendes establecíes poles normatives europees y d'actuar si ye necesario. La vocera comunitaria Lucía Caudet adelantó que Bruxeles estudia convocar una reunión colos responsables nacionales de la empresa pa tratar l'asuntu.