L'informe 'El toru de la Vega SÍ sufre" produzse col fin de desmentir les afirmaciones que caltienen que'l toru siente dolor, pero nun sufre, onde espliquen el "intensu carecimientu" al que van someter a Rompe Suelas, el toru escoyíu pa ser allanzáu anguaño.

   Nesti sen, el presidente d'Avatma, José Enrique Zaldívar, afirmó que "l'animal va empezar a soportar estrés, mieu y pánicu dende'l mesmu momentu que lu separen de la so manada na ganadería" y qu'éstos s'acentuaránse coles terribles condiciones del tresporte (a escures, sin posibilidá de movese, baltase nin dase la vuelta, sin descansos, sin alimentación y sin accesu a l'agua de bebida), que-y provocarán un enorme sufrimientu y perdes de pesu que puen algamar hasta los 50 kilogramos".

   Coles mesmes, Zaldívar  destacó que "una vez lliberen a Rompe Suelas del so enzarru pa percorrer el tramu hasta onde van llanzalu, va esixíse-y un enorme exerciciu físicu pal qu'un rumiante nun ta preparáu, provocando lo qu'en medicina y veterinaria conozse como acidosis metabólica, claru marcador de sufrimientu nos bóvidos".

   A lo último, el presidente d'Avatma esplicó na misiva que la forma en que va morrer Rompe Suelas ye "especialmente cruenta, dao que l'acción de les llances causará-y fonderes hemorraxes, traumatismos y empeoramientu de la deshidratación que yá va carecer a la fin del espectáculu" y señaló que "la punta, el métodu que s'utiliza pa rematalu, nun provoca la muerte instantánea, y ta prohibida en tolos mataderos de la UE va munchos años por considerase un métodu cruel de dar muerte a un animal".