La Conseyería d’Educación y Cultura convocó nel Boletín Oficial del Principáu d’Asturies (BOPA) del 10 de setiembre’l Premiu Alfonso Iglesias de cómic, colo que se completa la convocatoria de tolos gallardones lliterarios en llingua asturiana pal añu 2015:

• 36.ª edición del Premiu Xosefa Xovellanos de novela, pa obres de tema, xéneru y estructura llibres que tengan una estensión mínima de 75 páxines a doble espaciu.
• 21.ª edición del Premiu Xuan María Acebal de poesía, destináu a obres de tema, xéneru y estructura llibres que tengan una estensión mínima de 500 versos.
• 21.ª edición del Premiu Máximo Fuertes Acevedo d’ensayu, pa obres de tema, xéneru y estructura llibres con una estensión mínima de 50 páxinas escrites a doble espaciu.
• 8.ª edición del Premiu María Josefa Canellada de lliteratura infantil-xuvenil, pa obres de xéneru llibre y con una estensión mínima de 250 versos pa la poesía y de 30 páxines a doble espaciu pa los demás xéneros.
• 7.ª edición del Premiu Alfonso Iglesias de cómic, pa obres d’estilu, tratamientu y tema llibres, pudiendo abarcar el desenvolvimientu d’una historia única o un conxuntu d’histories, y con una estensión mínima de 50 páxines. Pa participar ha presentarse un proyectu inicial con una estensión mínima de 15 páxines.

Cada premiu tien una dotación de 3.000 euros. El plazu de presentación d’orixinales ta abiertu hasta’l 10 d’ochobre, inclusive.