"España lleva munchu tiempu diciendo que mientres la xente nun puea vivir, nun puea comer, nel so país, mientres haya unos niveles de probeza como en dellos países d'África o haya una guerra como en Siria la xente va venir equí, va arriesgar la so vida, van engañar les mafies. Lo qu'hai que facer, y llevamos munchu tiempu dando la batalla, ye daqué paecío al Plan Marshall que ficieron los estaounidenses n'Europa", dixo.

   Rajoy espresóse asina nunes declaraciones a Telecinco, recoyíes por Europa Press, nes que diz que la so tesis ye "qu'hai qu'adelantase a los problemes y nun esperar a que pase lo que ta pasando". Ello ye que cree que na actual crisis de refuxaos, principalmente procedentes de Siria, la Comisión Europea actuó de forma lenta".

   En tou casu, insiste en que'l Gobiernu español va acoyer a los refuxaos sirios que-y pidan les instituciones europees, porque se trátase d'una cuestión de derechu d'asilu y España "ye un país d'acoyida onde se respeten les llibertaes y los derechos humanos de la xente". Rajoy negó que'l Gobiernu actuara movíu pola presión de los ciudadanos.

   Amás, sorrayó que n'España viven "munchos millones d'estranxeros", que sumen más del 10 por cientu de los que coticen a la Seguridá Social, y calcó en que la "inmensa mayoría" integróse bien, "trabaya y gánase la vida dignamente, y ayuda al progresu d'España", anque dempués "haya dalguna xente que tien otros comportamientos que nun son los fayadizos".

COMBATIR AL DAESH

   Preguntáu si él taría dispuestu a mandar tropes españoles a combatir al grupu terrorista Estáu Islámicu (EI o DAESH), afirmó que lo fairía si cuenta con "col apoyu del Parlamentu".

   Per otru llau, confirmó que "lo más probable" ye que les elecciones xenerales seyan el 20 d'avientu, y atribuyó la fecha namás a los que quieren aprobar los Presupuestos Xenerales del Estáu (PXE) pal 2016. "Eso tien un trámite, hasta últimos d'ochobre nun pue y cuando los apruebe definitivamente voi disolvelo, y depués hai un plazu que marca la llei d'ente 56 y 60 díes", esplicó.