L'aspirante a la nominación presidencial del Partíu Republicanu Jeb Bush refugó esti xueves la "idea bizarra" espresada pol so rival Donald Trump sobre que les persones tendríen que falar inglés n'Estaos Uníos.

   Bush, que fala inglés y español y suel usar dambos idiomes nos sos eventos, prometió que va siguir falando n'español cada vez que quiera facelo.

   Trump, quien fizo de la llucha contra la inmigración irregular un sellu distintivu de la so campaña pa les elecciones del 2016, dixo nuna conferencia de prensa en Nueva York, qu'Estaos Uníos ye "un país que fala inglés".

   "Préstenos o non, asina ye como la xente s'integra", añadió, un día dempués de criticar a Bush pol so usu del español.

   Bush, pela so parte, insiste en que la idea de Trump de que la xente tendría que falar inglés n'Estaos Uníos pue llevar a situaciones incómodes.

   "L'inglés ye l'idioma del nuesu país y la xente que vien a esti país tien qu'aprender inglés, pero eso nun significa que tengan que dexar de falar la so llingua materna", añadió.

   Bush denunció que les crítiques de Trump na so contra por falar "mexicanu" mientres una visita a la frontera d'Estaos Uníos "yeren fondamente segregadoras".

Foto: STEVE NESIUS / REUTERS