París (E.P.).-El primer ministru de Francia, Manuel Valls, emponderó públicamente la celebración de festexos taurinos na rexón de la Camarga --sur del país-- y sofitó caltener esta "guapa tradición", con diferencies al respeutive de la corrida española.

   Valls vio una carrera camarguesa, na que dellos homes intenten arrancar oxetos asitiaos na tiesta'l toru. A diferencia de la tradición española, el festexu conclúi ensin la muerte del animal.

   En declaraciones al periódicu 'Midi Libre' dende la plaza, el primer ministru sofitó a esta práutica. "Hai que caltenela porque supón un equilibriu, pa la naturaleza, pal territoriu, pa la economía y pal home", argumentó.

   Valls, d'orixe barcelonés, refugó esclariar si prefier les tradiciones catalanes o les camargueses en cuestión de toros y abogó por "respetales toes", yá que "conviven". Nesti sen, aseguró disfrutar del "amiestu" existente na Camarga.

Foto: CHARLES PLATIAU / REUTERS