Madrid (E.P.).-El Barómetru d'Opinión del Centru d'Investigaciones Sociolóxiques (CIS) en xunetu, el primeru qu'inclúi entrugues d'intención de votu tres les eleiciones llocales de mayu, caltien al PP como primer partíu con una estimación de votu del 28,2%, ampliando a 3,3 puntos la so ventaya sobre'l PSOE, que se queda nel 24,9%.    En tercer llugar consolídase Podemos, con un 15,7%, anque pierde puntos al respeutive de la encuesta de va tres meses, y detrás sigue Ciudadanos, con un 11,1%, dos puntos per baxo del so datu d'abril. Siguen cayendo Izquierda Xunida y UPyD.    La tabla de valoración de líderes sigue encabezada con 4,72 puntos pola nueva presidenta de Navarra, Uxue Barkos, na so última apaición nuna encuesta del CIS yá qu'abandonó'l Congresu. Ente los dirixentes d'ámbitu estatal, el secretariu xeneral del PSOE, Pedro Sánchez, repite en primer llugar con una nota de 3,84 puntos, sacando más d'un puntu a Mariano Rajoy.

Gráfico: EUROPA PRESS