Madrid (E.P.).-El conceyal del PSOE Antonio Miguel Carmona indicó que'l so relevu como voceru socialista nel Ayuntamientu de Madrid "va salir caru" al partíu, dixo que quien manda na federación madrilana ye la dirección federal y que la executiva rexonal actuó como los "GEOs".

   En declaraciones a la Cadena Ser, recoyíes per Europa Press, apuntó que la dirección rexonal funciona como "los GEOs" por que pretende qu'una persona "escoyida democráticamente" como conceyala y vocera vaya pal Senáu.

   Nesti puntu, Carmona conseña que na federación madrilana manda la dirección federal y que la crisis abierta "va costar cara" al partíu. Preguntáu sobre cuánto de cara va costar, señaló qu'eso van dicilo los ciudadanos.

   L'hasta agora voceru municipal del PSOE fixo un "llamamientu" a los militantes pa qu'a partir de setiembre s'organicen ante'l riesgu de "división interna" de cara a camudar l'aldu que ta tomando la formación.

   Carmona dixo que la executiva rexonal qu'encabeza Sara Hernández foi votada pol 55 por cientu del partíu nel últimu congresu y reprocha que quiera "mover" al otru 45 per cientu.

   De la mesma, llamentó que s'apostara pola integración del rival d'Hernández a la Secretaría Xeneral del PSOE-M, el diputáu rexonal Juan Segovia, cola "boca pequeña" y señaló que'l parllamentariu, al que definió como'l so "amigu", quier cambeos fondos. "Pero equí quien manda ye la dirección federal", repostió.

   Al respective de la conceyala Purificación Causapié, que lu va sustituyir como vocera, dixo que ye una "bona política" y qu'él va sofitala. Tamién dixo que faló les últimes selmanes y meses col exsecretariu xeneral de la federación madrilana, Tomás Gómez.

   Carmona tamién indicó qu'a él dixéron-y dende la dirección federal que votara la investidura de Manuela Carmena como alcaldesa ensin entrar nel Gobiernu xunto a Agora Madrid, suxeriendo qu'él nun taba d'alcuerdu con esi criteriu.

   "O nun votes a Agora Madrid o si votes entres nel Gobiernu municipal", apuntó'l conceyal socialistea quien aseguó recibir munches felicitaciones por "sofitar" y "tapar erros" que pudiera cometer el Gobiernu local en Madrid.

   Preguntáu sobre'l so futuru políticu, Carmona dixo que-y gustaría ser alcalde de Madrid, daqué que "nun refuga". "Lo que nun voi ser ye senador", espetó en referencia a la ufierta que-y fixo la secretaria xeneral del PSOE-M de dir a la Cámara Alta y dexar el Conceyu de Madrid.