Nel trescursu del mesmu intercambiárense impresiones sobro la situación política anguañu ya iniciatives comu Agora en Común na qu’Equo ta trabayando.

Cola presencia de Nacho González y Azulina Llano, portavoces d’Equo, y Arturu X. Bermeyu, Carme Pérez y Miguel A. Agudo en representación d’Andecha Astur, tuvo llugar un aconceyamientu daqué informal nel que s’intercambiaren analís  sobro la situación política asturiana y estatal. Los collacios d’Equo tresmitiéronmos les sos impresiones sobro la iniciativa Agora en Común na qu’ellos tan trabayando.

La reunión resultó especialmente interesante pol altu nivel d’entendimientu en temes comu la incineraora , El Musel, la especulación urbanístico, ete. Solliñar tamién la dimposición mútua a caltener esta triba de contautos de forma periódico col oxetu de dar puxu a la rellación ente les dos formaciones polítiques ya intercambiar información y valoraciones, nuna dinámica d’entendimientu y collaboración perafayaiza.

Na semeya, y de manzorga a mandrecha: Arturu X. Bermeyu (AA), Azulina Llano (E), Carme Pérez (AA), Nacho González (E) y Miguel A. Agudo (AA)