L'actor José Sazatornil, 'Saza', finó na madrugada d'esti xueves en Madrid, a los 89 años por causes naturales, según informaron a Europa Press fontes de la familia. El so cuerpu va treslladase al tanatoriu madrilanu de la M-30 de magar el mediudía d'esti xueves.

   Nacíu en Barcelona en 1925, participó en 114 películes y una montonera d'obres de teatru, y nel 2014 recibió'l Premiu a toa una vida de la Unión d'Actores.

   En 1988 recibió'l premiu Goya al meyor actor de repartu pol so papel en 'Espérame en el cielo', d'Antonio Mercero. Tamién collaboró con Berlanga en 'El verdugo' (1963), 'La escopeta nacional' (1978) o 'Todos a la cárcel' (1993); con José Luis Cuerda en 'Amanece que no es poco' (1989) y participó tamién en 'La Colmena' (Mario Camus, 1982).