Andecha Astur desixe al “Principado” la comprobación de la noticia na que s’afirma "qu’el nuesu hinu va ser parte de la sintonía que Lloteríes y Apuestes del Estáu utiliza esti añu pa promocionar la vienta pel branu de la Llotería de Navidá, y en casu de confirmala, actuar de forma imediata, firme y contundente, paralizando asemeyada falta de respetu escontra l’hinu que representa a Asturies y a los asturianos, y desixendo les debíes responsabilidaes, polítiques y llegales al responsable/s d’asemeyada ofiensa".

Andecha Astur, que "enxamás nun consideró’l “Asturies Patria Quería” un hinu lo suficientemente dignu pa representar a la nuesa nación, y que considera al “Principado” una istitución desllixitimada dafechu, tantu por ser impuesta dende Madrid, como poles sos actuaciones comu sucursal española, entiende que ye obligación de quien agora mesmo representa a Asturies actuar pa defender l’himnu qu’anguañu mos representa, y a torgar qu’una vegada más acabe siendo pocu menos que l’hinu los borrachos".

 

Per otru llau, Andecha Astur costata una vegada más "la falta de respetu que merez Asturies nel contestu estatal, tando ciertos de que sedríe imposible imaxinar asemeyáu usu publicitariu non yá del hinu d’España, sinón mesmamente del de Cataluña, País Vascu, Andalucía, Galicia….".