La economía española va crecer esti añu a un ritmu del 3,1%, según el Fondu Monetariu Internacional (FMI), que confirma asina'l so pronósticu del pasáu mes de xunu, lo qu'asitia a España como la economía desarrollada con meyor evolución nel 2015.

   De cara al próximu añu, la institución dirixida por Christine Lagarde espera que'l PIB d'España creza un 2,5%, confirmando la estimación del mes pasáu, namá per detrás ente les grandes economíes avanzaes del 3% previstu pa EEUU.

   D'esta manera, el FMI revisó seis y cinco décimes al alza les sos previsiones pa España en comparanza col informe de perspectives publicáu'l pasáu mes d'abril, a pesar de la rocea pola situación en Grecia.

   El Gobiernu español tien previsto actualizar el so cuadru macroeconómicu con una previsión de crecimientu del 3,3% esti añu y del 3% nel 2016, frente a les actuales mires del 2,9% pa esti añu y el siguiente.

   Sicasí, dende'l FMI espresaron preocupación cuando se fala "de milagru español", dao que "un 3% ye bonu, pero mirando la tasa de desempléu tovía queda muncho pa cantar victoria".

   "Sentimos munchu optimismu, la tasa de crecimientu ye bien bona noticia, pero hai riesgos", señaló l'economista xefe de la institución, Olivier Blanchard.