Polo menos trés persones perdieron la vida mientres les celebraciones de Chile pola so victoria na Copa América de Fútbol, según el balance preliminar de Carabineros, recoyíu pola emisora Radio Bío Bío.

   Dos persones morrieron nun accidente de tráficu na comuna d'El Bosque de Santiagu, cuando un vehículu arolló a dellos individuos que celebraben la victoria de la selección chilena y dempués diose a la fuga.

   Los finaos son Marco Antonio Panes Calfeque, de 48 años, y Pablo Mora Bobadilla, de 90 años, y otros trés homes resultaron firíos de diversa considerancia. "Unu d'ellos ta en riesgu vital".

   Na madrugada del domingu prodúxose amás un tirotéu que dexó una persona finada nel norte de la rexón Metropolitana de Santiago. La víctima ye Luis Alfredo Villegas Vásquez, qu'intentaba calmar a un grupu de persones que celebraben con disparos la victoria deportiva.

   Per otra parte, un grupu de más d'un centenar de persones intentaron escalar un supermercáu na comuna de La Granja, pero Carabineros intervinieron.