En Reinu Uníu la noticia de qu'un home y una neña -presumiblemente la so fía- pasiaron impunemente pel centru de Londres con dos banderes del Estáu Islámicu causó espolín enforma nes redes sociales, según recueye'l Daily Mail.

   Al home, que portaba una bandera de gran tamañu nel so llombu, y a la neña, con una versión amenorgada de la bandera na mano, detúvolos la Policía, pero en base a la llei vixente nel país los axentes nun teníen motivos p'arrestalos, dao que nun cometíen nenguna actividá illegal.

   La reacción de munchos usuarios ingleses en Twitter foi d'indignación y malestar hacia esa persona. Cabe recordar que va una selmana tuvo llugar un atentáu en Túnez nel qu'una persona asesinó a 38 turistes en nome d'esti grupu terrorista, y 30 d'ellos yeren británicos, y qu'esti martes cúmplense diez años del atentáu que cometió Al Qaeda na capital de Gran Bretaña, con un saldu de 57 víctimes mortales.