Un 44,8 por cientu de los griegos votaría'l próximu día 5 a favor de la torna de Grecia a les negociaciones cola 'troika' comunitaria, según la última encuesta ALCO pal diariu griegu 'Ethnos' que reflexa una pequeña ventaya de 1,4 puntos porcentuales per delantre del 'Non' (43,4 por cientu).

   Existe un porcentaxe crucial d'indecisos que ta sobre'l 12 por cientu (11,8 por cientu pa ser más exactos) acordies col mesmu sondéu, efectuáu ente'l 30 y el 1 de xunetu.

   El primer ministru griegu, Alexis Tsipras, declaró que votar 'non' nel referendu ayudaría al país a llograr condiciones más xeneroses y una posición negociadora más fuerte.

   Pela contra, el presidente del Eurogrupu, Jeroen Dijsselbloem, alvirtió esti xueves que la victoria del 'non' nel plebiscitu "nun va fortalecer" la posición negociadora del país y aseguró qu'asitiaría a Grecia y a Europa nuna posición "bien difícil".