El primer ministru griegu, Alexis Tsipras, acusó a les instituciones que formaben la troika --Bancu Central Européu (BCE), la Comisión Europea y del Fondu Monetariu Internacional (FMI)-- de nun querer llegar a un acuerdu con Grecia sobre les reformes pa desbloquiar el pagu del últimu tramu del rescate.

   Na so cuenta de Twitter, Tsipras critica la postura de los sos acreedores, dao qu'hasta agora nunca se refugaren les midíes equivalentes presentaes a les propuestes realizaes pola troika, "nin n'Irlanda, nin en Portugal".

    N'opinión del ministru griegu, esta actitú indica dos posibilidaes, "o bien que les instituciones nun quieren algamar un acuerdu o bien que sirven a intereses específicos" en Grecia.

   Pela so parte, delles axencies de noticies, citando fontes oficiales en Grecia, afirmen que Alexis Tsipras informó a los miembros del so Gobiernu de que los acreedores nun aceptaron les midíes propuestes por Grecia.