La Policía Nacional detuvo a 17 persones, 14 d'elles en Madrid, nel marcu de la investigación pola agarrada ente ultres de los Riazor Blues y del Frente Atlético, na que morrió'l siguidor del Deportivo d'A Coruña Francisco Javier Romero, alies Jimmy.
Fontes policiales esplicaron a Europa Press que se detuvo a una persona en Valencia, dos en Toledo y 14 na Comunidá de Madrid. La investigación sigue abierta y nun se descarten más detenciones.
Los cargos que pesen sobre los deteníos son reña tumultuaria y a dos de los arrestaos, que son madrilanos, tamién se-y imputa un delitu d'homicidiu, según indiquen les mesmes fontes.
La engarradiella ente dambes aficiones tuvo llugar el 30 de payares del añu pasáu nel entornu de Madrid Río y nella morrió'l siguidor del Deportivo de 43 años.
43 SEGUNDOS
los investigadores muéstrense convencíos de qu'esti grupu agresor, nel marcu d'aquella pelea, llanzó a dos persones al ríu Manzanares con un intervalu de tiempu de 43 segundos de diferencia, y una d'elles foi la persona finada.
A tolos deteníos tán treslladádolos a les dependencies de la Policía Nacional na Comisaría de Moratalaz en Madrid.
