El Monte Chomolunga (Everest), el monte más altu del mundu, desplazóse tres centímetros hacia'l suroeste por mor del gran terremotu qu'arrasó Nepal nel mes d'abril.

   Según informa China Daily, el movimientu sísmicu de 7,8 graos de magnitú tornó'l cursu nordés gradual del monte, acordies con un informe realizáu pola Alministración Nacional de Topografía, Cartografía y Xeoinformación china.

   Antes del terremotu, el Chomolunga (8.848 metros) desplazárase 40 centímetros hacia'l nordés na última década a una velocidá de cuatro centímetros por añu, según l'estudiu. El monte tamién subió d'altura tres centímetros nel mesmu períodu de tiempu.

   El terremotu causó un ábanu nel Everest, lo que provocó 18 muertos y dexó en ruines el campamentu base. Esto obligó a China y Nepal a cancelar toles escalaes pa esti añu. El segundu seísmu, que tuvo una magnitú de 7.3, nun movió'l monte, dixo China Daily.