Nuna nota prensa, Iniciativa informó que "esti xestu simbólicu ye una bona forma d'entamar los mandatos de les corporaciones teniendo presente la llingua propia d'Asturies". "En numberoses ocasiones conceyales y diputaos asturianos, ya hasta esti añu una eurodiputada, xuraron o prometieron el so cargu n'asturianu. Esti añu, y agora que'l compromisu cola oficialidá del asturianu tien más apoyu políticu esplícitu que nunca nes instituciones, ye un bon momentu pa poner en práctica una de les ferramientes más útiles y más cencielles de da-y promoción al idioma, usala de forma normal ente los representantes públicos", apunta la organización.

   Dende Iniciativa pol Asturianu ofrecen "l'asesoramientu llingüístico y animamos a tolos conceyales y alcaldes interesaos en dar pasos a favor de la normalización a ponese en contautu cola asociación nel corréu contautu@iniciativapolasturianu.org o bien nes redes sociales de la organización en Facebook y Twitter".

   El testu de xuramentu y promesa pa conceyales ye'l siguiente:

   a.*Xuramentu. "Xuro, pola mio conciencia y honor, cumplir con fidelidá les obligaciones del cargu de conceyal con llealtá al Rei, y curiar y facer curiar la Constitución como Norma Fundamental del Estáu".

   b.*Promesa. "Prometo, pola mio conciencia y honor, cumplir con fidelidá les obligaciones del cargu de conceyal con llealtá al Rei, y curiar y facer curiar la Constitución como Norma Fundamental del Estáu".

   El testu de xuramentu o promesa p'alcaldes y alcaldeses ye'l siguiente:

   "Xuro o prometo cumplir con fidelidá les obligaciones del cargu d'Alcalde/esa Presidente/a del Escelentísimu  Conceyu de _______ con llealtá al Rei, y curiar y facer curiar la Constitución como Norma Fundamental del Estáu".

Foto: Archivo.