Los técnicos de l'Axencia de Salú Público de la Generalitat detectaron difteria n'ocho neños cercanos al contaxáu de seis años d'Olot (Girona), que sigue estable pero mui grave na Unidá de Cuidos Intensivos (UCI) del Hospital Vall d'Hebron de Barcelona.

   Revelólo esti llunes en rueda prensa'l conseller de Salú de la Generalitat, Boi Ruiz, que destacó que los ocho neños "nun desarrollaron la enfermedá gracies a que tán vacunaos", pero recluyóselos nes sos cases pa evitar que contaxen al 3% de neños de la comarca de la Garrotxa que nun tán vacunaos.

   "Ficimos frotis en 57 neños cercanos al contaxáu, y la bacteria ta n'ocho", según Ruiz, que concretó qu'esti llunes empezóse-y a alministrar un tratamientu con penicilina a esti grupu.

Foto: Hospital Vall d'Hebron de Barcelona.