Nel Arcu Lliterariu 2015, estaya del Festival Arcu Atlánticu qu'entama l'asociación cultural L'Arribada, va allugase un estrenu venceyáu de mou bien importante a la lliteratura gallega. La so proyección nesti eventu vieno xestionada por Gonzali Producciones. Trátase del filme A Esmorga, que va proyectase na selmana última de xunetu nuna xornada onde tamién habrá un alcuentru col so director, Ignacio Vilar.
A Esmorga ye un llargumetraxe n’Alta Definición, de 111 minutos, basáu na novela d’Eduardo Blanco Amor d’igual títulu. Tien como actores principales a Miguel de Lira, Karra Elejalde y Antonio Durán ‘Morris’, nos papeles de Cibrán, O Bocas y Milhomes respectivamente.
Rodóse en 2014, dende’l 20 de xineru hasta’l 27 de marzu, n’estremaos llugares de Galicia; ciudá d’Ourense, O Carballiño, Ribadavia, Boborás, Monforte de Lemos, O Saviñao, Ferreira de Pantón y nel conceyu de Touro. El vienres 21 de payares de 2014 fuera l’estrenu en bien de poblaciones gallegues.
A Esmorga ye la crónica tensa ya intensa de veinticuatro hores na vida de tres homes, compañeros de folixa que, dexando un regueru de destrucción, de sexu enquívocu y reprimíu, van zarrando puertes tres d’ellos y tirando les llaves, como pa nun naguar por volver y como si s’enfotaren en dir camín de la so perdición.
Delles semeyes selamente pa veles al tameñu
14 archivos adjuntos
Vista previa del archivo adjunto 2-A-ESMORGA-12.2.2014.jpg
Vista previa del archivo adjunto 3-A-ESMORGA-12.2.2014.jpg
Vista previa del archivo adjunto 4-A-ESMORGA-19.2.2014.jpg
Vista previa del archivo adjunto 6-A-ESMORGA--4.3.2014.jpg
Vista previa del archivo adjunto 7-A-ESMORGA--4.3.2014.jpg
Vista previa del archivo adjunto 8-A-ESMORGA.-10.3.2014.jpg
Vista previa del archivo adjunto 9-A-ESMORGA-11.3.2014.jpg
Vista previa del archivo adjunto 10-A-ESMORGA-11.3.2014.jpg
