L'Axencia Tributaria pidió a la Fiscalía la detención del exministru d'Economía y expresidente de Bankia Rodrigo Rato ante les sospeches de que taba cometiendo un delitu de blanquéu de capitales y a la vista de presuntes operaciones de despatrimonialización ente'l 2014 y el 2015, y reclamó el rexistru de la so casa "hasta cola autorización de la fuerza".

   Nun informe, al que tuvo accesu Europa Press, l'Axencia Tributaria destacaba dos presuntos riesgos vinculaos a Rato. Per una parte, destaca'l presuntu impagu de delles cuotes d'IRPF por importe añal de 120.000 euros, importe previstu pal delitu contra la Facienda Pública. A esto une un posible delitu de blanquéu de capitales.

   Per otra parte, alvierte de presuntes operaciones de despatrimonialización que se vienen realizando "con muncha intensidá" nel 2014 y nel 2015, y que podríen derivase de les posibles responsabilidaes pecuniaries rellacionaes cola imputación del exministro nel casu Bankia.

   Tres una estensa investigación, l'Axencia Tributaria determina que Rato tien "un eleváu tráficu financiero con países que son de riesgu por tener la consideración actual de paraísos fiscales", daqué que topeta con una actividá empresarial y profesional "básicamente nacional y escasamente internacional".

   Tamién sospechaba que Rato utilizaba "territorios de riesgu" (paraísos fiscales) a efectos financieros y societarios y alertaba qu'existía "una elevada facturación interno" na so trama societaria que "fai presumir la emisión y recepción de factures de conveniencia en visu a evitar la tributación n'IRPF", Impuestu de Sociedaes y IVA.

   Asina, indica que ye "más que posible" que los servicios d'asesoramientu emprestaos pol expresidente del FMI "se facturaren al traviés de sociedaes ayenes a tal actividá al envís d'evitar la so tributación por IRPF y efectuando "una escasa o nula tributación pol Impuestu de Sociedaes o IVA".