El pucherazu retirándomos les papeletes al menos nun centenar de meses elleutorales debiere ser abondo pa invalidar estes elleiciones, pero nun teo dengún enfotu na calidá democrática española”.

Paulo Arboleya, candidatu nacional d’Andecha Astur valoró asina los resultaos nestes elleiciones nacionales, amestando tamién una valoración positiva al so apueste poles candidatures populares de conceyu que comu Conceyu Abiertu por Noreña, vieron recompensáu’l so esfuerciu, duplicando’l númberu conceyales.

De toes formes, y anque considera que los resultaos yeren los esperables nel actual contestu, Paulo Arboleya afirma contundente que "los resultaos, con ser los esperables y vese perafeutaos pol pucherazau sufríu, nun se correspuenden cola capacidá d’incidencia social y política d’Andecha Astur, y son un puntu d’inflexón qu’obliga a redefinir tol asturianismu políticu”.

La fuxía de seutores que se reclamaben comu nacionaliegos/soberanistes haza opciones estatalistes que ven a Asturies comu una sucursal, y non comu una nación de plenu drechu “vien a esclariar muncho’l panorama políticu y desplica por qué tolos intentos d’algamar una xunidá d’aición con ellos resultaron inútiles”, amestado que “por eso hai de redefinir tol asturianismu, plantegándomos oxetivos rialistes”.

“Sabemos que les nueses propuestes polítiques calen na sociedá asturiana y lleguen a ser asumíes dafechu, pero ye la hora de que seyamos nós los que les rentabilicemos, y pa esa xera fain falta toles manes. Dende agora mesmo esti tien de ser l’oxetivu”