El cabezaleru de llista de Ciudadanos al Parlamentu de Navarra, Diego Paños, resultó 'cazáu' nunos audios que se ficieron públicos pidiendo al númberu dos del so partíu na llista al Conceyu de Pamplona que se retire de la candidatura.

   En dichos audios, publicaos por El Confidencial Autonómicu, escúchase cómo Diego Paños pide a José Alberto Nava, guardia civil xubiláu, que se retire de la llista al Conceyu en recibiendo, según recueye la información del citáu mediu, presiones de mandos de la Guardia Civil y de determinaos xueces.

   Fontes de Ciudadanos en Navarra afirmaron a Europa Press que "en nengún momentu" recibieron "nengún tipu de presión per parte de naide" pa retirar al númberu dos de la so llista en Pamplona, qu'a lo útlimo relevaron de la candidatura.

   Según dixeron les mesmes fontes, Ciudadanos consideró oportuno que Nava abandonara la llista en teniendo conocencia de la existencia d'unos vídeos que podríen perxudicar la so imaxe y qu'en consecuencia podríen estropiaríen tamién la imaxe del partíu.

   Según escúchase nos citaos audios publicaos por El Confidencial Autonómico, el líder de Ciudadanos Navarra diz-y a Nava: "Ye meyor renunciar agora nesti momentu, que naide va facer entrugues, yá te vamos compensar d'otra manera. (..) Poder dicite yo te compenso, nun te preocupes vamos date trabayu, vamos date 'curro', vamos apoyate 'a tope' y n'otres coses. Eso prométotelo. Nun sé cómo exactamente porque nun sabemos nin cuántos vamos salir nin nada, taría contándote una 'mandanga', eso ye asina. Pero esto nun queda asina, yo apúntolo. Ye la primer vez que mos faen recular".

   Según señalen les fontes de Ciudadanos Navarra, Diego Paños nun-y ofreció en concreto nengún trabayu y el partíu simplemente diba querer mostra-y la disponibilidá de que siguiera collaborando con Ciudadanos. Igualmente, consideren que la parte de la conversación que se fizo pública ta descontestualizada y nun s'integra.