El Gobiernu de Grecia nun va realizar un pagu de deuda al Fondu Monetariu Internacional (FMI) que vence'l próximu 5 de xunu si aquel día nun hai un acuerdu colos sos acreedores internacionales, afirmó'l miércoles el voceru del Gobiernu nel Parlamentu helenu.
Atenes tien que realizar el mes que vien dellos pagos al FMI por importe total de sobre 1.500 millones d'euros y ta en negociaciones col FMI y l'Unión Europea pa recibir financiación en cuenta de reformes primero que'l país quede sin dineru.
"Agora ye'l momentu en que les negociaciones tán llegando a un puntu críticu. Agora ye'l momentu de la verdá, el 5 de xunu", aseguró'l voceru del Gobiernu nel Parlamentu griegu, Nikos Filis, a la cadena de televisión ANT1.
