Un total de 15 persones resultaron deteníes esti llunes en Vitoria --ente elles los miembros de Segi Ibon Esteban, Igarki Robles y Aiala Zaldibar, condenaos por supuesta integración en banda armada por pertenecer a Segi--, y 17 ertzaines tuvieron que necesitar atención por distintes lesiones nel momentu d'un ampliu dispositivu esplegáu pa identificar y arrestar a los trés mozos condenaos, que dende esti pasáu domingu permanecíen protexíos ente cientos de persones que, afatiaes con disfraces y mázcares, participaben nuna 'muria popular' pa enzancar la so identificación.

   Amás d'estos trés arrestos, practicaos por orde de l'Audiencia Nacional, la Policía autonómica detuvo a otres doce persones que participaben na denominada 'muria popular' entamada n'apoyu d'estos trés procesaos a los qu'atribúi delitos de resistencia, insultos y agresiones. Amás, otros trés persones reusltaron imputaes poles mesmes acusaciones amás de daños, según informó'l Departamentu de Seguridá del Gobiernu vascu.

   Nel momentu de la operación, los axentes desagospiaron a delles decenes de persones que, garraes ente elles pelos brazos, alcontrábense sentaes na plaza p'atrabancar la identificación y detención d'Esteban, Robles y Zaldibar.

Foto: Europa Press.